محترم حضرت حکیم صاحب السلام علیکم! میری عمر 21 سال ہے‘ میں جہلم کا رہنے والا ہوں‘ ایک سال پہلے فیس بک پر میرے ایک رشتہ دار نے عبقری والوں کا ایک وظیفہ شیئر کیا‘ میں نے دیکھا‘ میرے دل کو اچھا لگا‘ میں نے فوراً ہی عبقری کو لائک کرکے عبقری فیس بک جوائن کرلیا‘ اس طرح میرا عبقری سے تعارف ہوا۔ اسی رمضان کی بات ہے کہ مجھے کولہے میں شدید درد ہوا جو کمر سے لے کر کولہے تک جاتا تھا کبھی کبھی ریڑھ کی ہڈی کی جڑ میں بھی درد ہوتا‘ بہت ڈاکٹروں کو دکھایا انہوں نے ادویات دیں مگر آرام نہ آیا‘ پانچ ماہ گزر گئے‘ عبقری یوٹیوب چینل پر میں نے افحسبتم اور اذان والا عمل پڑھا‘ میں نے آپ کی کتاب خریدی اور یہ وظیفہ پڑھنا شروع کردیا‘ جب بھی درد ہوتا میں پڑھتا‘ اچانک ہی درد غائب ہوجاتا تھا‘ ایک دفعہ مجھے شدید درد ہوا میں نے یقین کے ساتھ پڑھ کر ایک دم کیا‘ چند سیکنڈز میں ہی درد غائب ہوگیا‘ اللہ کا شکر ہے اللہ پاک نے مجھے کلام پاک کی برکت سے میری تکلیف دور کی۔